很多活動的一天

2010年3月6日

奶奶一直都想帶囡囡去影樓拍一些相留念(雖然我平時已經影好多,但老公同叔仔由出世到大學畢業,每年都會影一次,所以囡囡都要有呢).今天終於約好時間一早去了拍照.第一次在美國的影樓拍照,有點失望,因為不是由攝影師拍,感覺似是普通可以按掣的都影得.她們的燈set死晒,要bb企定係紅色的一點,因為她們唔識打燈…囡囡得一歲,點可能企定定唔郁…唉.

平時8點幾起身的囡囡,今日無啦啦9點幾都唔想起身,上到她房望我兩眼又訓低,完全唔想起身,即使去到影樓都未訓醒咁,所以d相都唔夠平時屋企影的精靈,似未訓醒的豬仔.最後影左唔係好多,見她又累又唔在狀態,無謂勉強.最後我揀左9張相,但買左cd,老公話應該全部23張都會有齊.(揀相中段突然好頭暈,我要坐低抖抖,由老公同老爺搞掂手尾)

影完相,我地去了T.G.I. Friday食午餐,這是囡囡第一次去這間餐廳.今次我們第一次在兒童餐牌點食物給她,而非成人餐牌,還有一杯牛奶(她差不多喝了整杯,厲害).在食物來之前,她分享了媽媽的兩隻煎餃子.到食物到,她吃了自己的少少炸雞柳,薯條,爺爺的薯皮,當然還用了大量茄汁(我覺得她在吃茄汁,薯條只是餐具)

吃飽回家睡一睡,起床後是玩的時間.我答應她周末天氣好,我就陪她到屋外玩新買的泡泡槍,又會畫finger paint.今天的天氣好得不得了,於是我們先玩泡泡槍,然後第一次讓囡囡在家門前只穿尿片,光脫脫咁玩finger paint.哈哈哈,她全身都彩色,爸爸媽媽隻手都沾滿顏色,但大家都很開心呢!

One thought on “很多活動的一天

Leave a Reply

Your email address will not be published. Required fields are marked *