He’s just not that into you

昨晚和老公提早慶祝情人節,因為近來一直不斷在猜想bb何時出世,會不會一full term就走出來,所以提前慶祝免得變成生仔情人節,哈哈.其實好想看今天才上畫的Confessions of a Shopaholic,但星期五通常超多人,於是昨天去較少人的戲院餐看了He's just not that into you.睇個戲名,已經估到觀眾大多數是女性,果然在場超過95%都是女的,我估加埋老公最多只有5個男人.好鐘意某d位講得好到肉,一針見血.書我仲未睇,可能好似Marley and me一樣,睇完戲才去買書.作者以前有一個talk show,我是忠實觀眾,因為好多求助的女人或者男人都好傻(老實說是stupid),有些甚至被當頭棒喝還是執迷不悟…
睇戲睇到一半左右,老公無啦啦拖住我隻手,然後我地相視而笑,好似返到去初初拍拖果陣一樣,好sweet呀:)!!!唔知點解時不時老公拖我隻手,都仲會有觸電的感覺,好奇怪但我又好鐘意喎.

2 thoughts on “He’s just not that into you

  1. Ka Lui Alice

    哈, 我有買到 "he's just not that into you" 本書呀, 不過睇左少少又放埋左一邊.  套戲點呀? 會唔會 recommend 去睇?
    你點呀? 咁無耐 update 以為亞囡出左世呀.  你父母係咪到左你果邊呀?  一有時間就留兩句啦, miss you!
    [版主回覆02/16/2009 12:31:00]套戲ok啦,睇完之後我發現有好多情節係朋友身上出現,都幾有同感,可以一睇但等買dvd亦無妨. 未呀,囡囡未出世,唔知幾時呢?老公好心急好想bb快d出世,我都開始成日夢到要去醫院生bb.父母不會來了,因為簽證唔批(他們想留兩個月太長,領事話無公司有可能俾咁長假,所以唔批呀).

    Reply
  2. Ka Lui Alice

    噢, 唔緊要啦, 過一排叫佢地再試過申請囉.
    希望你囡囡比定心理準備你地先出世啦, 執好走佬袋未呀?
    [版主回覆02/17/2009 06:37:00]兩個禮拜前已經執好左啦.覆診果陣醫生問我執左未,諗住呢一樣我一定未準備好,點知我都話搞掂,嚇到她眼定定,話我唔止係"早少少"準備好d野,哈哈.

    Reply

Leave a Reply