靚靚bassinet

奶奶早前為bb訂的bassinet今天送到了,幸好ups送貨員好人,幫我將大大個盒搬入屋,唔係我一個人都唔知點算.(連續幾日送不同的bb貨品,他已經醒目地放第一盒係門口,然後按鈴等我開門,再幫我放入屋).雖然個盒好大,但其實個bassinet唔係重,所以我可以將它拿出來,放昨天已送到的床褥和床單上去,好靚好靚呀!(奶奶一次過訂了床單,床褥和bumper,見到送貨單我才知道這麼貴,難怪奶奶說我們有個可以世代相傳的bassinet.)
奶奶約了我今天去吃午飯,她來接我的時候,我著她入屋看看已送到的bassinet,她很喜歡呢!吃完午飯回到家中,當然要讓她參觀一下老公引以自豪的bb房,她也很滿意.
老公回到家中,我正在網上找尋合心意的monitor,終於給我找到了.晚上老公估計我午飯吃得太飽,大概不想入廚,於是提議外出晚膳再到舖頭逛逛,看看能否在買monitor前先摸摸實物.最後找不到monitor,但bb衫和其他用品卻清貨大減價,手痕左看看右看看,結果卻一發不可收拾.其實大部分都是三個月以上的衣物和之前差不多沒有買過的褲仔,還有幾張床笠仔,所以可算是趁減價入定有用的貨品,埋單用了二百大元…每次買bb東西好容易就用幾百元.
奶奶今晚去接公幹回家的老爺,趁她還在機場等他的時候,老公致電告訴她我們買了甚麼,免得她買下相同的東西.昨天才到過舖頭的奶奶竟然不知道有清貨減價,但也買了一set兩套的小杯,小碗和小碟子,還有stack ring呢.她又告訴老公,在網上訂了daybed放在bb房,假如我湊bb太累,不用走到一樓小睡,可以隨時在bb房內眠一眠,提醒我注意百貨公司的電話,幾天內應會致電給我約定送貨時間,希望會幫我搬上二樓啦.

One thought on “靚靚bassinet

  1. Ka Lui Alice

    點解你地買 bb 野, 好似買極都仲有好多咁既……我係咪要到我有左先會明呀?
    [版主回覆01/17/2009 05:39:00]可能啦,其實都唔係仲有好多,但都仲有少少.以前見人湊bb買好多野,但估唔到真係多到咁樣,到時你一定會明.哈哈.

    Reply

Leave a Reply

Your email address will not be published.