小公主與狗仔 – 老友鬼鬼

突然發現很久沒有把2隻調皮狗的相片發放.2天前為狗仔剪毛及修甲,弄得我周身骨痛兼為大腿添上幾道血痕,令小公主們十分擔心,每天都在查問我傷口還痛不痛.傷口好痛,但心甜甜的(這個媽媽是被虐狂嗎?)

2位公主最喜歡和狗仔玩,經常希望帶牠們散步,但最後會變成被狗仔帶去散步.與狗仔玩拋波波時,她們不會站著拋波等狗仔帶回來,卻是拋波後與狗仔一起追波波,十分搞笑.媽媽給狗仔吃骨頭玩具,她們又不會讓狗仔自己咬,一定要拿在手中餵牠們,令狗仔好無奈.平日她們都搶著將狗糧放在狗碗中,然後吩囑牠們坐好才進食.Leo仔很多時都不會聽指令,因為小人兒太年幼,牠間中才會聽話.所以媽媽通常教小公主如何給指令,仔仔聽到媽媽的聲音,就會乖乖坐好等開餐.但嘉嘉開始大個女,Moe和Leo都開始有8成時間聽她吩囑.她還教妹妹如何教狗仔,好叻女呢.家姐經常說,Leo是她的buddy(譯:老友),Moe是妹妹的buddy.其實這是真的,由嘉嘉回家的一刻,Leo已經陪伴在側,狗女卻對她沒有興趣.在妹妹回家時,Moe則立即前來與她見面,我餵奶的時候她亦會坐在身邊陪伴,各自選了一位小主人,而這2位小主人亦各自有一個老友,一位忠心的守護者.

好了,廢話少講,給大家看看2位公主努力不懈地餵狗仔吃骨頭玩具的相片吧.

Moe又想舔嘉嘉,她努力地避開中.

Leo個新髮型唔錯,因為可以清楚見到牠雙眼.

嘉嘉: Moe,你咬啦.

嘉嘉心想,可能我老友會咬,等我試下先.

成功啦.但牠不喜歡嘉嘉幫手….

 

Moe: 我現在又想咬骨頭玩具(瘦田無人耕,耕開有人爭).

Moe: 我好乖,我又要骨頭.

晴晴:老友,我陪你玩,餵埋你又點話.

晴晴:媽媽,你看我們多老友鬼鬼.

老友鬼鬼俱樂部

8 thoughts on “小公主與狗仔 – 老友鬼鬼

  1. 淇淇

    第二張相好像有點驚隻狗狗。
    我本人超怕狗,不知道女兒會不會也怕。
    [版主回覆08/17/2012 11:52:36]你老公做得好啱呀.嚇到喊都唔肯收埋隻狗,真係好唔體諒人.
    我去朋友屋企,知道我怕,個個都會我未上樓前就收埋狗仔,至少都圍起一個,角落,等狗仔唔會太近嚇親我.雖然唔好意思,但這是狗主應該做的,即使在街上見到路過的怕狗,都應該好好管住隻狗,唔好俾佢郁,狗主站在路人與狗隻中間,免卻他人的不安.既然唔親又唔體諒,少見為妙.
    [淇淇回覆08/17/2012 11:37:42]我試過去一個人屋企見到狗,又係嚇到跳上梳化,仲喊出來添,但那家人不肯收埋隻狗,我老公就帶我走。因為不是很親的親戚,所以之後也沒有再去對方家。
    [版主回覆08/17/2012 11:31:13]其實我以前也超怕狗,是街尾見到,街頭就已經跑走果種.初初見老爺屋企的2隻狗,我會驚到大叫兼跳上梳化,笑死老公一家人.但對得耐,牠們又好乖,所以廿多年的懼怕終於克服,最後還成為狗主.

    Reply
  2. 小車

    你屋企已經大家務不輕…又要照顧2個寶貝女….再加2隻狗…仲要整甘多美食…..超人呀…)))))))
    [版主回覆08/18/2012 10:47:56]哈哈,家務真係好多,所以做極都做唔完.我學識唔好要求家務日日清,只要大家有衫著,有碗開飯,我就慢慢黎,唔係真係要超人幫我先可以攪得掂.

    Reply
  3. Meow Meow

    usually princess are accompanied by loyal doggies!
    [版主回覆08/18/2012 11:10:52]如果我咁樣話俾小公主知,她們一定更愛2隻狗.

    Reply
  4. kiki

    2個小妹妹超級可愛, 加埋2隻又乖又得意既狗仔…
    佢地相處得真係好好呀~~~~~~~
    [版主回覆08/20/2012 04:04:50]其實我地知道有BB開始,就已經為狗仔作心理準備.例如買了少量初生嬰兒用品,如包被和爽身粉等,放置在家中不同位置,讓狗仔聞聞和經常見到.又買了與嬰兒差不多大小的娃娃,會用包被包著 灑上少量爽身粉的娃娃抱在手中,讓牠知道媽媽將會長時間有小寶寶在手中.每天減少一點抱抱摸摸的時間,不會令牠突然由小寶貝變成無人理會的可憐豬而呷醋.
    BB出世後的頭幾天,你應該要留在醫院.可能的話,帶一張包被包著BB,或BB穿過的衣服亦可,請老公回家時將充滿了BB氣味的被子給狗仔聞,讓牠未見小主人已經嗅過氣味,建立熟悉的感覺.帶BB回家時,如果狗仔平日最喜歡你,要請老公或父母帶BB入屋,你應直接見狗仔.坐好後,再介紹BB給狗仔認識,抱著BB讓狗仔自行走來聞聞,切忌一定要讓牠自行前來嗅聞,不要抱著BB逼牠見小主人.
    BB與狗仔見面前,即你未入院前,要準備好一份狗骨頭或牠喜歡的小禮物,待BB出世後,與充滿BB氣味的衣服放在一起,沾上BB氣味.待BB與狗仔見面後,告訴牠是小主人送的小禮物,為BB同狗仔建立好關係,同時分散一下牠的注意力,減低呷醋機會.
    或者,我盡快詳細地寫一篇介紹BB和狗仔見面的Blog,分享一下,應該幫到好多blog友仔.
    [kiki回覆08/19/2012 16:02:17]咁開頭小公主出世時, 要唔要特別留意狗仔有無唔開心咁架??定係要分開佢地先??因為我而家都有左, 同埋我都有養緊隻2歲既小狗, 好多人都叫我生左之後拎番俾亞媽度先, 等BB大D先接番佢番屋企…
    [版主回覆08/18/2012 12:44:33]真係好難得她們相處得好好,囡囡未出世有擔心過狗仔會怕小公主,或者嚇怕小公主,幸好完全無問題.

    Reply
  5. amy

    your cup measurement. Do you mean dried ingredient cup or fluid cup?
    [版主回覆03/03/2013 02:41:46]Amy, it is both. Use dried measuring cup for dry ingredients and fluid measuring cup for liquid or sauce ingredients. 🙂

    Reply

Leave a Reply