媽媽的新涼鞋

上周末買了兩種東西,令媽媽好興奮.首先分享的是想買很久,但找不到合心意的新涼鞋.

媽媽平日都是穿著同一對Birkenstock,但即使再舒適,也不能配襯較得體的衣服.但那些漂亮卻刮腳的高跟鞋,每次出門不足半小時,把媽媽的雙腳刮得出水泡和脫皮,無論用任何方法去開鞋,或穿著多次後仍然是會腳痛,所以媽媽見到再美的鞋子,通常都不會動心,亦因此從來都不是愛鞋之人,反而手袋和珠寶首飾才是我杯茶,現在還愛上廚具,呵呵.

這就是我的新寵,全家一致通過它有外在美,媽媽測試過舒適程度,試穿了一整天,沒有腳痛,合格.

肥仔老公經常聽到媽媽投訴新鞋腳痛之苦,深明愛妻與美麗舒適的鞋子緣份淺薄,著我一款多色地買回家.可惜,如意算盤打不響,其他的顏色都沒有我的尺碼,否則我應該會買齊4隻顏色回家.

其實還試了另一款有金屬在鞋面和鞋踭的涼鞋,平日一定不會試穿,但老公挑選給我的,加上他的眼光一向不錯,就試試吧!真的不該試穿,一試愛上它的美,即使這鞋款不是我平日的風格,但穿上後卻意外地配襯,難得平底的設計也令雙腳變得修長,高貴得來又有型格,實在愛死.但媽媽扣上鞋扣後,由腳趾到腳踭都痛到不得了,當時還只是坐著,站起後簡直痛死了,看著美呆了的鞋子和雙腳,急急地脫下來,連拍張照片的時間也忍受不了,好失望呢!(腦海中仍然想著它的美,真的好想擁有它)

10 thoughts on “媽媽的新涼鞋

  1. Anonymous

    我很明白你的感受, 因為我又係著不到漂亮鞋子的人, 一來我對腳又是凡是著漂亮的鞋是一定會起水泡或脫皮的, 加上我有高弓足,有少少跟的鞋都著唔到, 前掌受力太大又是會腳痛, 看醫生後醫生說冇得救, 只可以著有被震的鞋, Skechers是其中幾好著的, 又比較多去街款, 依家我屋企已經有3對了。望住人地著咩衫就可以襯不同的鞋, 自己來來去去就只可以著那2,3對鞋, 真可憐
    JULIE
    [版主回覆08/07/2013 13:49:38]原來你同我一樣,都係只可以望住人地著靚鞋,自己只可以著無款無踭的"舒服鞋",真係好慘!

    Reply
  2. 博師奶Mrs.blog

    一對舒適又美觀的鞋子難求, 我也是容易被刮腳, 刮到想喊, 很多次都要即場買新鞋。
    [博師奶Mrs.blog回覆08/08/2013 15:03:02]非常有同感啊﹗不過我買第二對, 通常都係拖鞋, 哈…
    [版主回覆08/07/2013 23:06:07]我都試過痛到要買新鞋,但最慘係新鞋通常返到屋企前又係著到腳痛,真係有少少款的都著唔到,超痛苦!!!

    Reply
  3. Ceci

    你著鞋容易刮腳係咪因為腳板或者腳瓜比較厚或者闊?其實都有啲牌子嘅鞋比較適合闊鞋人,又或者買大一個半個碼,然後貼鞋踭或鞋頭墊。
    我大細腳差半個碼,我都係主要買大腳嗰邊嘅size再加墊喺細腳嗰面。
    [版主回覆08/08/2013 11:45:37]我應該係腳板厚的人,試過買大少少,勁甩鞋…最後腳趾受害.我已經認命….

    Reply
  4. ξ.×啤啤熊寶寶×﹏→×Grace媽媽

    以前我成日買鞋襯衫,而家冇。。。
    [版主回覆08/08/2013 12:35:28]我一直都好少買鞋襯衫,通常都係百搭款的鞋,除非特別日子先會由頭買到落腳.

    Reply
  5. ξ.×啤啤熊寶寶×﹏→×Grace媽媽

    最怕刮傷腳。。。真係痛冇朋友,幾星期前貪靚,著住對4吋鞋去接老公收工。。。未去到目的地已經比對鞋刮傷左。。。對鞋又唔係第一次著,都唔知點解會咁。。。
    [ξ.×啤啤熊寶寶×﹏→×Grace媽媽回覆08/09/2013 14:33:34]我生得矮呀。。。我老公差不多170cm
    [版主回覆08/09/2013 05:32:20]4吋…我諗我會出唔到門口囉,哈哈.

    Reply
  6. Anonymous

    哈哈, 認命很重要, 我亦接受左自己只可以去波鞋的命運, 唯有向好處看, 珍惜自己還擁有的….
    julie
    [版主回覆08/09/2013 05:34:27]無錯,都咁多年,想唔認命都唔得.我們還有一雙健康的腳,可行可走,還是不要只羨慕那些不屬於自己的,珍惜雙腳健在可以穿鞋走在平穩的路上,較很多不幸的人幸福得多了.

    Reply
  7. kiki

    係呀, birkenstock係好舒服, 但有時著靚d既裙又未必襯到, mama你呢對好靚呀, 我覺得好襯你, 有女人味又嬌俏~
    [版主回覆08/12/2013 08:43:54]多謝你的讚賞,"有女人味又嬌俏",雖然你讚對鞋,但我完全當係讚緊自己,哈哈哈.

    Reply

Leave a Reply

Your email address will not be published. Required fields are marked *