大出血

今天和老公享受了5小時的二人世界,可以去拍拍拖,行街街,算是由大女出世以來最長時間的一次,好開心呢!

老公知我想在名店加價潮前買心頭好,但卻因為執屋買櫃和砌櫃用了一個月,遲遲未能去大商場.最近的消息是Chanel將在2月1日加價,LV亦傳聞在一月會加價,但一月只剩下兩天.所以我心裏已經打了輸數要捱貴貨;或者將金錢省下來,繼續做慳媽;又可能會用同一筆錢,去買櫃門(7對,共14隻)完成二樓的玩具櫃和電器櫃(每兩對門可以買一個LV,好鬼貴).

昨天和老爺奶奶午飯時,老公突然問奶奶明天(即今天)可否早一點來我家湊孫,因為要帶我去uptown買東西.我被他嚇了一跳,因為他沒有向我說過會罷工一天帶我去街.老爺上周已經約好今天會來我家,幫手將櫃固定在牆上,所以他這樣問奶奶來湊孫,我覺得很突然呢.奶奶說當然可以,還問我想買甚麼.老爺則取笑老公會破財,又八卦我會買甚麼.以下是他們的對話:

老公:她只喜歡兩樣東西
老爺:衣服,鞋子?
老公:(搖搖頭)手袋和首飾
老爺:COACH? Dooney & Bourke? (仲有另一個牌子唔記得)
老公:唔係,貴D,高級D
老爺:(諗得好辛苦,但諗唔到)
老公:(俾貼士)貴好多架,是頂級果D名牌呢
老爺:(終於估到但唔講出口)最衰我唔駛去上海啦,可以幫你買(想為老公解決銀包的出血問題)
老公:佢要真果D呀
我:係呀,我要真果D呀
老爺:(用愛莫能助的表情望住老公)
我:哈哈哈哈

我們住了這麼久,只是到過uptown一次,因為平日會買的附近商場都有齊,我從來沒有買過這幾個名牌子,其他的牌子很多時在網站就可以買到,所以真的不想去到那麼遠.老公很討厭那兒的交通,我也不甚喜歡,但今次要他用那麼多錢,又要去到交通混亂的地方,真的是為了我而受苦呢.

我本來預計著,最後可能我會甚麼都不買,因為要我一次過花那麼多錢真的有難度,我太"慳家".但今天LV竟然只是小貓三四隻,與我上次的經驗完全相反,售貨員也較記憶中友善得多.結果,我和老公都喜歡的那個袋太大,試了幾個不同大小和款式之後,決定了另一個也很喜歡的Monogram Canvas Neverfull MM.較我原本打算買的便宜了一半,所以我可以去看看首飾.

走到商場的另一端,Chanel和Tiffany面對面,好極.先入Chanel看看我在網上見到的幾對耳環,經理走來打招呼,很親切友善(不是如網友批評般無禮呢).她拿出耳環後由另一位售貨員幫我,但她的態度就真的不太好.由初初想sale我一對CC LOGO的耳環,話好靚好襯我,問我要唔要試戴.但我問她珍珠吊耳環的珍珠有沒有細一點後,她就開始唔想答問題,好明顯無心幫我.再問她耳環的物料是甚麼的時候,美其名地說是"Fashion",其實即是"Base Metal".幸好問一問,唔係俾咁多錢買對耳環返屋企,戴到耳仔發炎就慘.而她由想為我試戴耳環,轉為好不耐煩為何我竟然會問問題.呢個時候,我就決定走過對面Tiffany,因為起碼我會買到唔會令我敏感的金或者銀.

入到Tiffany,每個SA都幫緊客人,無人得閒招呼我們.老公初初有點不高興,覺得連打個招呼的人都無,很無禮貌.後來幫我們的售貨員,送走他上一個客後,立即走到我們面前打招呼和幫我們,態度和服務都很好,所以老公亦不反對我幫襯,在我耳邊說:我負責拿袋子(暗示我買東西他挽袋).試了幾樣東西,出奇意料外我很喜歡的手鏈長短剛剛好,SA說這是最細的一條,我一直以為它會太大,所以未入舖頭已經打了輸數,但還是想試試,幸好多口問一問,買到最喜歡的東西.

買完東西很肚餓,老公想去試Cheesecake Factory,於是我們去了醫肚.餐牌有30頁,很誇張.日式,西式,墨西哥式都有,看了很久才點菜.全部都很美味,吃得很飽很飽,但仍然要試試出名的芝士蛋糕,選了KeyLime Cheesecake,和老公一人一半,很美味.

Fried Mac and Cheese Ball
 

Shepherd's Pie for Eric

Shrimp Scampi and Steak Diane 

我的戰利品:

 

3 thoughts on “大出血

  1. 澄媽媽

    你這個LV 我都買左呀..之前HONEYMOON 係法國買..平點..你買左大中細咩SIZE 呀? 睇相..應該係大SIZE 吧? 我果個係大SIZE 來的…這袋款真係LV 當中最抵買的一個.. 因我都喜歡另一個款..不過..要貴多一倍價錢..但SIZE 仲要細點..所以無買.. TIFFANY 我都想買呀..不過..之前睇D手錬都好貴下…只是銀來的..要咁既PRICE 真係唔捨得..所以都無買到.. >_<""
    [版主回覆02/01/2012 06:22:50]我買左中SIZE,細的勁細,大的我無睇,因為呢個SIZE已經同我用緊的奶粉袋一樣大,我覺得好大呀,我諗可能會拉起兩邊用多,細少少好睇D.你用最大果個,係咪大好多呀?
    Tiffany係幾貴,但佢的銀質素唔錯,雖然都係925,但閃過我條Pandora的925同白D,又好重手下.
    用同一價錢比較,我寧願買Tiffany好過買Chanel的fashion首飾,它們只用基本金屬,即係同街邊買會搞到耳仔發炎的低檔金屬一樣,咁樣買牌子就真係勁唔抵,起碼我買Tiffany都叫有純銀,覺得抵D.哈哈.

    Reply

Leave a Reply

Your email address will not be published.