寶貝女已經17日大

不經不覺Alexis己經出世17日,估唔到她出世前一日同幾個朋友傾完,指醫生估計寶寶可能周末出世,事隔不到幾小時就穿羊水(穿水前4小時才與老公說,估計我會陣痛不會穿水,話口未完就中).我們估了兩個幾鐘是否穿水,最後都係安全起見,到醫院檢查(雖然是半夜三更).我自己估計好大可能唔係,但以防萬一.幸好真的到了醫院,因為真的是穿了水,很快便被姑娘推進產房,等了足足大半天,還沒有陣痛,最後要催生,由穿水開始一共十多小時,bb終於出世了.見到bb還未覺得真實,直至聽到她喊的第一聲,我知道她真的在我懷中,不是發夢呢!那一刻真的很感動,但我忍住了淚水(竟然忍得到).
一星期後
很快又很累的一周,不斷的餵奶換片,差不多沒有睡過,真的有"渴睡症".老公幫忙做所有的家務,奶奶又煮了很多食物給我們.而我就有別人幫不到的任務,餵囡囡.老公好叻地幫我煮薑飯,又幫我炒米整炒米茶.
兩星期後
老公在囡囡出世後第十三日就返公司(本來有7日產假,但我生前減到得三日…老公最後要攞多幾日假,才陪到我十多天).他返公司的第一日,奶奶來我家幫了我全日,直至老公回家為止.第二天開始,我要嘗試自己一個人搞掂,無可能永遠都要有兩個人係屋企,要獨立唔可以再依賴.感謝主,全日都好順利,突然覺得自己好叻添!打了一支強心針,原來我一個人都真係無問題,可以照顧兩隻狗加個新生嬰兒,自信心都回復不少.我仲可以自己一個人同bb沖涼,雖然有少少雞手鴨腳,但都同她沖得乾乾淨淨.我會繼續努力,做個好媽媽.:)
Alexis算是個很乖的bb,感謝主應我所求,她似老公兒時一樣,食完就訓,很少哭啼,就算尿片髒了都不哭(我仍然覺得這很奇怪),只會發出嘰嘰咕咕的聲音.她肚仔餓都是餓了很久才哭,一抱就停,除非是試了很久也吃不到才會嚎哭(現在好多了).bb你要繼續快高長大,乖乖的做個好女兒,爸爸媽媽很愛你啊!

2 thoughts on “寶貝女已經17日大

  1. Ka Lui Alice

    Alexis, 你真係好乖呀!!!!  你要食多d, 快高長大呀~~~
    ling, 你好叻呀! 我估如果比我, 我一定會喊.  你都要保重呀, 加油呀!  你會係一個好媽媽架~~~

    Reply

Leave a Reply