嘉嘉3歲生日會(二) – 白雲公主與小矮人糖霜曲奇(附食譜)

為了嘉嘉生日,老爺一早買了白雲公主曲奇模和小蛋糕模給我,但由於雪糕蛋糕很大,所以今次只做糖霜曲奇,小蛋糕遲一點才做吧.這套由Williams-Sonoma出品的曲奇模,包裝盒和4個曲奇模都很精美,包括有白雪公主,惡毒皇后,小矮人Dopey和Grumpy.

連續做了3晚共16小時的白雪公主曲奇,其實大部分時間都是在用糖霜塗塗畫畫,因為有10多種糖霜顏色要調較,每種糖霜塗勻後又要等待乾透,才可以塗第二種顏色的糖霜,做這些曲奇真的要花很多時間和心機呢.由於我知道自己會很慢手慢腳,所以只做了一半白雪公主曲奇,另一半材料做了不同形狀的可愛小曲奇.這些生日糖霜曲奇真是塊塊皆辛苦,哈哈.但見到囡囡們的開心樣,再辛苦也值得的.

  

白雪公主與小矮人糖霜曲奇做法:(約做每種曲奇7塊,共28塊)

曲奇模:

曾經試過跟著Alton Brown食譜做過這個蛋白糖霜,味道很好,所以選用了這個食譜.

蛋白糖霜做法:(小貼士:預先在裝飾曲奇的1日前做好,加上色素的糖霜需時見真色)
食譜來源:
http://www.foodnetwork.com/recipes/alton-brown/royal-icing-recipe/index.html 

材料:

蛋白(用已消毒的蛋白粉開成)  3安士(請參考盒上的指示開稀)
呍呢拿香油                           1茶匙
糖霜                                     4杯

 

蛋白糖霜做法:
1. 將蛋白粉加水開成蛋白汁,加入呍呢拿香油於攪拌器碗中,發打至起泡.

2.逐少加入糖霜,以低速攪拌至糖霜"令"身.轉高速再攪5-7分鐘,糖霜變"杰"變"令"即成.

3.加入各種色素攪拌,每次一滴地加入至理想色調.立即用來裝飾或封密放入雪櫃直至使用時取出,最多可存放3天.

曲奇做法:(提早兩天做,因為每種色的糖霜都要乾透後,才可以塗另一種色,需時約2-3天)
食譜來源:Williams-Sonoma白雪公主曲奇模內的食譜.中文版翻譯如下:

材料:
麵粉             2.5杯(另加少許作搓粉糰的桌面用)
幼鹽             半茶匙
牛油(無鹽)    12湯匙(185g)
砂糖             1杯(250g)
雞蛋             1隻
呍呢拿香油   1.5茶匙

做法:

1. 確保所有材料均在室溫 

2. 將麵粉與鹽一同過篩後,放在一旁待用 


3. 安裝拌料棒(Flat Beater)在攪拌器上,以高速將牛油打至忌廉狀,約2分鐘
 

 

4. 將攪拌器減至中速,慢慢加入砂糖直至鬆軟軟身,約2分鐘(小胋士:要時不時停機刮碗啊!)
 

5. 加入雞蛋與呍呢拿香油,再攪拌1分鐘後立即停機及刮碗
 

6. 將一半的麵粉加進碗中,以低速攪拌直至所有麵粉被吸收混和,約1分鐘
 


7. 加入餘下的麵粉,攪拌約2-3分鐘,直至麵粉被完全被吸收和不再黏碗邊即可
 


8. 將粉糰取出平均分成兩個圓球,放在灑滿面粉的桌面上按壓成圓餅狀
 

 

9. 將粉餅用保鮮紙包好放入雪櫃最少2小時,最多2天


10. 取出粉餅並置於室溫約5分鐘,在桌面灑上少許麵粉,用麵粉棒將粉餅壓開至1/4吋厚
 

 

11. 將焗爐預熱至華氏350度(攝氏180度)
 

12. 放牛油紙在焗盤上待用
 

13. 用曲奇模印在粉餅上(小貼士:將曲奇模沾上麵粉才印在粉餅上,可防止粉糰黏在模上)
 

14. 用小抺刀將印好的曲奇放在墊了牛油紙的焗盤上,每個曲奇相隔約1吋
 


15. 放焗盤入已預熱的焗爐約14-16分鐘.若同時焗多於一盤曲奇,在焗了一半的時候,要將上下焗盤對調

16. 曲奇變金黄色即成(小貼士:試食後,我覺得微金黃色的最好味) 

 


17. 將曲奇連焗盤放在架上放涼5分鐘,再將曲奇取出放在架上至涼透
 


18. 跟著盒上的指示.塗上糖霜作裝飾就完成啦(小貼士:每種顏色的糖霜都要乾透,才好塗第二種顏色啊!)

 

晴晴很愛吃,連續吃了很多塊,吃得很開心啊
  

壽星女都吃很津津有味呢

10 thoughts on “嘉嘉3歲生日會(二) – 白雲公主與小矮人糖霜曲奇(附食譜)

  1. 請問這套由Williams-Sonoma出品的曲奇模在香港有沒有得買 ?
    [版主回覆03/08/2012 06:08:35]香港唔知有無得賣,但我知道Williams-Sonoma網站可以買到,會寄去香港,當然加埋郵費會幾貴下,你可以去睇睇.網站係http://www.williams-sonoma.com/customer-service/international-orders.html?cm_type=lnav#

    Reply
  2. fa

    好靚呀D COOKIES~~請問你個架係邊買GA?
    [版主回覆03/08/2012 06:16:41]你係咪講緊個水晶3層架? 我係Macy's百貨公司買,係百貨公司見到成$100美金,當然無買啦.但我返屋企想話俾老公知見到咁貴但好靚的架,所以上Macy's的網站搵俾佢睇.同一晚在網站的價錢竟然係半價,但只係網上做特價,好彩無即場買到.最後我買左2 sets,再有折扣,加埋運費同稅都係100蚊多少少,嘩哈哈.Macy's 都會寄去香港,依家都做緊特價,可以去睇睇. http://www1.macys.com/shop/product/godinger-dublin-crystal-serveware-collection?ID=311055&PseudoCat=se-xx-xx-xx.esn_results

    Reply
  3. 黑天使

    嘩…真係好有心機!!!!
    叻 ~~~
    [版主回覆03/15/2012 13:02:38]呢個真係又要心機,又要耐性,但唔係太完美.下次要買多幾個咀,等我無藉口偷懶用牙簽點糖霜塗某D部份.

    Reply
  4. Shopping

    好靚呀!!!請問色素可以是水質的嗎?
    [版主回覆03/21/2012 01:39:57]Shopping,可以用水質的色素,但要注意紅色和黑色糖霜可能要用上大量色素才能調至理想顏色,糖霜會變得稀身而難於裝飾。所以我會建議用gel色素呢。

    Reply
  5. bv

    睇見都開心
    [版主回覆03/23/2012 08:45:31]兩個小寶貝最開心.見到她們開心,我都勁開心,如果有人幫我整埋就更開心.

    Reply
  6. 泰媽

    想請問咁多糖霜响面會唔會令到曲奇好甜?洗唔洗減少曲奇糖既份量?
    [版主回覆03/28/2012 23:13:30]泰媽,唔會好甜,曲奇係小甜,加埋糖霜剛剛好,照食譜份量做就可以。

    Reply
  7. Conny Wan Wan

    請問糖霜4杯即係幾多g?
    [Conny Wan Wan回覆11/01/2012 15:34:45]唔該晒…
    [版主回覆11/01/2012 15:23:00]4 cups = 500g

    Reply
  8. Viridian

    好吸引,想請問如果放兩天至塗另一隻色既糖霜,曲奇會否都潮濕了呢?謝謝!
    [版主回覆07/19/2013 22:24:37]如果天氣太潮濕,建議等待天氣乾燥一點才做。糖霜曲奇需要較冷和乾的製作環境,否則製作時要放入雪櫃冷藏至適量硬度去印曲奇。
    曲奇可放3至5天,建議吃前2天做,那麼吃的當天也不會有受潮問題。若家中有密實盒,將乾透的曲奇存放好,能保存一星期

    Reply

Leave a Reply