小公主吹波波

病了幾天,大家都差不多復元,小公主還有些少鼻水和咳漱.

即使生病,她們仍然可以晨早7時起床,但前一晚凌晨1時才睡(第一次這麼晚睡,通常9時就上床,應該是午睡太久的後遺症).

一早起來,晴晴把由新居入伙時已有問題的廁紙筒徹底移除(本來以為小問題,所以沒有要求建築商維修,嚴重錯誤).大公主跑來告訴媽媽,二公主把廁紙筒弄至跌了出來.媽媽走來一看,決定不能等爸爸周末才維修,自己把新買的廁紙筒安裝好,首次在沒有指導下使用水平量度器,stud finder和電鑽來維修家居.

小公主們一直在旁看著媽媽又鑽洞又量度,一邊問媽媽這個那個,又讚媽媽安裝得很快.既然她們有興趣知道,就趁機會教她們一些基本維修工具的用途.女孩子也很需要認識如何使用基本維修工具和懂得如何去維修家居小問題.不然,小小事都要求助別人或聘請專人維修,遇上急事時肯定應付不了.媽媽還是幫助她們好好裝備自己,教多一點如何照顧起居生活,要她們獨立一點,將來就不用事事求人.

媽媽第一次獨個兒安裝廁紙筒,需要鑽洞又量度水平,非常成功.


吃過早餐,剛好一點的小公主需要放電.但媽媽不想她們玩得太興奮而病情反覆,所以讓她們到前園吹波波.這天風很大,好幾次還未吹,狂風已經把波波吹到四處飄留,兩姐妹立即跑去追著飛天泡泡.

小公主的頭髮被吹到亂草一樣.

晴晴吹呀吹.嘉嘉在旁準備與泡泡來個快樂追逐.

嘉嘉與空中波波的追逐開始.

嘉嘉: 我準備好啦!你吹啦!

晴晴: 我再吹!

嘉嘉: 輪到我吹波波,你去追波波.
晴晴: 我捉到啦!捉晒你地. (註:她們沒有瀨尿,褲上的都是肥皂水)

吹到無力,晴晴找Elmo來幫忙吹波波.家姐準備好再追泡泡.

Elmo和晴晴玩得太高興,嘉嘉決定一起吹泡泡.

玩得太累,樣子又病又殘,兩位不願入屋的小公主被媽媽半迫半就地帶回家中,休息休息.

5 thoughts on “小公主吹波波

  1. 阿菌

    嘩~真係好大風!吹到小公主門頭髮亂得很~~~
    不過佢地真係好ENJOY!!(好羨慕~~~)
    Panda mom,你都係勇架WO~自己一手一腳
    安裝廁紙筒!!真係好裝得好好~
    哎呀~我仲苦惱緊WEEK2份功課!哈哈~都就快夠鐘
    [版主回覆05/24/2013 16:18:24]老公出門口蒯見我攞晒電鑽,叫我等多2日俾他搞,話好麻煩要量要鑽。
    我份人唔等得又好勝,而且我又唔係未用過工具,屋企好多小維修一直都係我出手。所以唔理他自己搞掂,我覺得無他係身邊左手左腳仲快d,嘩哈哈。他話我咁鐘意搶住做,他以後會等我做,他會好開心,因為可以坐低嘆世界。
    份功課我開頭都幾苦惱,但開始逐個字亂黎咁加上去,加加下變左2x個字,但我每句不斷改左10幾次,然後對個計分表,數齊就逼自己唔再修改。加油呀!

    Reply
  2. nor c

    你們真係要好好take care身體呀
    [版主回覆05/24/2013 23:46:54]知道。我都唔知點解會搞到咁夜,上床前望到個時間,自己都嚇左一跳。

    Reply
  3. kiki

    最返我都病左兩個星期都未好返..
    所以mama你同兩位小公主都要好好小心身體,
    d病菌好勁呀….
    食多d維他命c加埋多d休息~
    [kiki回覆06/02/2013 22:04:20]熱檸蜜好呀, 我都買左袖子蜜+檸檬沖黎飲, 希望健康D~
    [版主回覆05/28/2013 14:12:48]陰公,你要返工病左仲辛苦,真係要好好休息.我呢幾日都沖熱檸蜜,大家都一齊飲,保下維他命C又潤下喉,依家小公主仲有痰有咳,可能要整D食療俾她們試下.

    Reply
  4. Mr & Mrs Leung

    在外國住真係要萬能!
    我之前想在牆上裝左層板, 思前想後一輪, 都係出錢俾人攪, 好在香港真係方便
    [版主回覆05/28/2013 14:14:52]在外國請人真係貴到呢…..仲要未計物料,所以真係自己動手慳好多.

    Reply

Leave a Reply

Your email address will not be published. Required fields are marked *