多年來都只愛編織,今次第一次做鈎織手作,首件製成品是嘉嘉的被仔(其實一點也不小),所有冷球和鈎織的款式都由小公主親自配襯,當中她最愛的是鮮橙色的閃閃冷.她想要閃閃冷,是因為晴晴有媽媽織成的紫色閃閃冷被(本來是為家姐織的,但她不喜歡那種紫色,妹妹很喜歡就給了她).
去年11月,我帶她們一起去選購冷球,嘉嘉左挑右選的找到這種橙色閃閃冷,指定它作為主色.然後,她選了其餘的幾種顏色做間色.回到家後,媽媽編織和鈎織了幾種款式,又讓嘉嘉看編織書和網站選擇款式.最後,她選了這種很基本的鈎織款,請媽媽做一張很大很大的被仔,這樣她就可以和妹妹一起躲在被子下.
原本預計這麼簡單的款式,可在聖誔節前完成.結果,直至今天才真正的完成,遲了很多呢!嘉嘉見到被仔終於完成,開心地大叫起來:"多謝媽媽,多謝媽媽.我要用被仔,好靚呀!這是我的被仔呀!"妹妹也老實不客氣,自己爬上梳化,分享姐姐的新被仔.
嘩~~~好勁呀!!!!!我都想織一張比我bb呢….
[版主回覆03/10/2012 01:47:55]Vanilla Blue,我只是初學鈎織,其實好易織,只是要我鈎下停下,所以這麼久才完成.你都織一張給BB啦.支持你呀.
,週五愉快呀老友記,天氣仍寒冷,外出記得添衣….♥*♥…•*,我又有新的手繪漫畫發佈 , 如果得閒黎我個YAHOO BLOG 睇下
[版主回覆03/10/2012 01:49:20]溫日繪,我時不時都到訪架.好喜歡你的手繪,繼續加油畫多D呀.
嘩… 張被…都唔「仔」喇 !!!!
襯色襯得好靚啊 ~~ 🙂
[版主回覆03/15/2012 01:08:03]謝謝讚賞.本來打算鈎bb被,但她大得很快,所以最後鈎了單人被,哈哈.
嘩..勁呀..咁大張..我果張鈎完..但仲未收線頭..阿女都仲未用過..hahahah
[版主回覆03/16/2012 06:26:20]係咪之前果張?你快D收線頭,阿女等到頸都長啦.
你好犀利呀, 煮得, 整得, 又織得
[版主回覆03/23/2012 08:51:01]BV,但我無樣精,只係樣樣半桶水.
我都好鍾意crocheting呀，比編織更易更多變化呢！
[版主回覆07/05/2012 13:16:29]我只係初學，這是第一件製成品呢！希望以後會有時間試唔同花款。
張被真係好靚呀, 一見之後念念不忘, 忍唔住都想問下你, 呢隻係咩冷? 鈎出來軟熟嗎? 閃閃冷會唔會"鞋"手?? 謝謝!!
[版主回覆09/28/2012 02:27:38]多謝多謝.冷球牌子是 "I LOVE THIS YARN!" 鈎出來當然沒有幼冷的軟熟,但唔鞋手亦都唔咭肉,每天使用也很合適,小公主們非常滿意.